Златен Венец

Наградата „Златен венец“ е една од најзначајните интернационални награди за поезија во светот. Наградата е востановена во 1966 година. Oд таа година до 1971 година се доделува за најдобра необјавена песна прочитана на фестивалот. Од 1971 година „Златен венец“ се доделува за целокупен поетски опус.

Златниот венец претставува уникатна рачна изработка. Нацртот на Златниот венец го изработил македонскиот сликар и графичар Димче Протуѓер кој тогаш бил член на советот на фестивалот.

Меѓународното признание, наградата „Златен венец“ се доделува на меѓународниот поетски митинг Мостови на истекот на реката Црн Дрим пред повеќеилјадна публика. „Струшките вечери на поезијата“ секоја година издаваат репрезентативнa книгa поезија од добитникот на наградата „Златен венец“ во оригинал и во препев на македонски јазик.

Извадоци од книгата „Поетска престолнина во светот“ од Гоце Ристовски


28.-TEd-Huges Доделувањешо на наградата „Златен венец“ и поканата за учество на „Струшките вечери на поезијата“ 1994 година ми причинуваат огромна чест и затоа од сѐ срце ги прифаќам. Извонредно сум свесен дека големата привлечност на овој фестивал со светско реноме лежи во неговата улога како симболичен настан. Суштествена е намерата на поезијата да ги надмине разликите и недоразбирањата во јазикот, да допре до едно заедничко чувство и заемно разбирање што се наоѓаат многу подлабоко во нас ...Затоа уште еднаш ја изразувам големата благодарност за честа што ми ја укажавте со поканата да учествувам на него.

Тед Хјуз


29.-Yehuda-Amichai Струшкиот поетски фестивал е едно од местата каде што се среќаваат културите и јазиците. Тој, исто така, е мост над бездната на човечкото страдање. Струшкиот фестивал е еден од моторите што ги напојува со енергија човечките култури и вредности.

Затоа, од сѐ срце сум ви благодарен на големата чест што ми ја укажавте со доделувањето на „Златниот венец“

Јехуда Амихај


47.Nancy-Morejon Наградата „Златен венец“ е една од најзначајните поетски награди во Европа и во светот. Кога ми кажаа дека ќе ми биде доделена, тоа го примив како огромна и значајна вест. Голема чест е да се има таа награда.

Нанси Морхеон


13.13.Rafael-Alberti Јас, Рафаел Алберти, поет од Шпанија, поет од морето на Андалузиската Гадитана, Ве поздравувам крунисувајќи го моето срце со овој „Златен венец“, симбол на мирот и слободната песна на сите народи на овој свет.

Рафаел Алберти


Поети лауреати